Ka ophis jong u District Sports Officer (DSO) West Jaiñtia Hills District ryngkat ka jingiatreilang bad ka ophis jong u Deputy Commissioner, West Jaiñtia Hills District, Jowai mynta ka step ha ka por 6:00 AM kila lah ban pynlong ia ka Fit India Freedom Run 3.0-2022, na ka bynta ki shynrang bad khynthei (Open Category) kum shi bynta ka jingrakhe ia ka jingdap 75 snem ka jingiohlait luid ka Ri kaba la tip ruh kum ka Azadi Ka Amrit Mahotsav.
Ia kane ka Fit India Freedom Run 3.0, la sdang na Main Gate Kiang Nangbah Stadium bad mareh na Ladthadlaboh Main Road- Jowai Public School- Salaroh-Dulong (Poh Hali Road)-Dulong (Main Road)-Iongpiah-Panaliar-Old Civil Hospital-Le Kyrnah bad pynkut haduh Mot Kiang Nangbah (Syntu Ksiar).
Ha kane ka jingiakop na ka liang ki shynrang ki nongmareh jong ka Sabahmuswang kila long ki lahduh ha kaba kila ioh ban khur ia baroh ki khusnam kata naduh kaba nyngkong haduh kaba lai. Kine ki nongjop ki long :-
1st u Dabit Dkhar uba la pyndep ia ka jingmareh ha ka por 30:25 min.
2nd u Dasaman Kyndait uba la pyndep ia ka jingmareh ha ka por 30:30 min
3rd u Mars Kyndait uba la pyndep ia ka jingmareh ha ka por 31:07 min
Na ka liang ki kynthei pat :-
1st ka Phyrnai Kyndait na Mukhaialong kaba la pyndep ia ka jingmareh ha ka por 41:52 min
2nd ka Dakani Shylla na Caroline Colony, Jowai kaba la pyndep ia ka jingmareh ha ka por 49:17 min
3rd ka Sambun Kyndait na Mukhaialong kaba la pyndep ia ka jingmareh ha ka por 52:47 min.
