Ka lympung ïalehkai jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba pynlong ha madan Kiang Nangbah Stadium, Dongmihsngi Jowai ha ka jingïakhun kaba la long mynta ka sngi hapdeng Moosalyngkat SC pyrshah ïa ka Mukhla Evergreen SC, kila poi sha ka jingïakhaid.
Haba phai sha ka jingïakhun na ka liang kine ki ar kynhun kila poi noh sha ka jingïakhaid da mar 0-0 kol, khlem da don shatia kiba ïoh ban pynkhih jar naduh ka jingïakhun jong ka kylla step tad haduh jong ka kylla miet.
Ka jingkynhun hapdeng kine ki ar kynhun kala long shisha kaba itynnad haduh katta katta namar na baroh ar kynhun kila pyrshang katba lah ban thep kol, hynrei kim ïohlad satia namar ka jingtbit palat ki rangïalehkai na baroh ar kynhun.
La pyntip ba ka jingïakhun ha ka sngi Nyngkong 24 tarik kan long hadpeng ka Chutwakhu SC pyrshah ïa ka Shangpung Moosyiem SC ha ka por 2:30 nohphai sngi.