Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun ka kynhun ïalehkai jong ka Luti Tuber Ialong SC kala lah ban pynliem da 4-2 kol ïa ka Demthring SC. Ïa kitei ki kol na ka Luti tuber Ialong SC la thep da u Masan War ha ka minit ba 11, u Nudeisa Dhar ar kol ha ka minit ba 26 & 90+3 bad u Marbhah Dhar ha ka minit ba 64.
Katba ïa ki kol na ka Demthring SC la thep da u Mebahskhem Blah ha ka minit ba 30 bad u Marlangki Suting ha ka minit ba 72 mins, ka jingïakhun hapdeng kine ki kynhun kala kut noh da 4-2 kol.
Ka jingïalehkai lashai ka sngi 27 tarik kan long hadpeng ka Nangbah Iawmusiang SC pyrshah ïa ka Chilliangraij SC ha ka por 2 baje shiteng nohphai sngi.