Hynnin ka sngi 26-10-2022 ki Nongialam ka KSU Wapung Unit ki la leit buh Dorkhas ha ophis treikam u DC East Jaiñtia Hills kum ka jingpynkynmaw ia ka jingdkhoh ka jingtreikam ka MeECL Khliehriat Division, Moowakhu na ka bynta ban pynioh ia ka jingdawa Transformer ka Seng ha ka Shnong Wapung Skur naduh u snem 2020. Ka Seng ka dap ruh da ka jingsngewphylla ia ka jingslem ban ioh ia u Transformer wat haba u Local MLA jong ma Kyrmen Shylla u ba dei u Minister u la kular ban pynioh ha ki ar snem ba la leit.
Ki nongshong Shnong ki ia kynduh shibun ki jingeh naba duna Voltages palat kim lah shuh ban pyndonkam ia ki tiar ba dei ban pyndonkam da ka light ha ka por mynmiet khamtam ha ka Dong Moopynieiñ.
Kumta, ha kane hi ka sngi ka Seng ka la pynkymmaw ruh ia u DC ha ka jingiadei ia ka jingdawa ka Seng ia u Sub-Station ha ka Shnong Wapung naka ophis SDO, East Jaiñtia. Ka Seng ka la kyrpad ia u DC ba dei ban shim khiah ia ka ne ka jingdawa ka Seng.
Kane ka lonh katkum ka kyrwoh na u
Samla Shwari Ryngkhlem
General Secretary
KSU Wapung Unit