Ka lympung ialehkai phutbol jong ka kyrdan 1st Division Football Tournament, 2022 ia kaba la tip kum ka ‘Chatister Kharkongor Memorial Trophy’, kaba pyniaid da ka West Jaintia District Sports Association (WJDSA) kaba la long mynta ka sngi 27.10.2022 ha madan Kiang Nangbah Stadium, Dongmihsngi Jowai, ka jingialehkai kala long hapdeng ka Nangbah Iawmusiang SC pyrshah ia ka Chilliangraij SC.
Haba phai sha ka jingialehkai ka kynhun ialehkai jong ka Nangbah Iawmusiang SC kala lah ban pynliem da 3-0 kol ia ka Chilliangraij SC. Ia kitei ki kol na Nangbah Iawmusiang SC la ioh ban thep da u Dlessing Lyngdoh ha ka minit kaba 21 bad 88 bad ia ka kol kaba la lai la ioh ban thep da u Sowanmiki Thubru ha ka minit 90+1 jong ka jingialehkai.
Ka jingialehkai ka ban long lashai ka sngi (28.10.2022) kan long hadpeng ka Sailung Ialong SC pyrshah ia ka Dulong SC ha ka por 2:30 nohphai sngi.