Ka Khasi Student Union (KSU) Thangraiñ Unit, kaba hap hapoh ka KSU Chilliang Myntang Circle ka lah ioh ban plie pyrda ia ka 1st Maitshaphrang Knock-Out Football Tournament 2022, kaba long kum shi bynta ban kyntiew ia ka kam lehkai Football hapoh ka shnong ka thaw bad ka thaiñ hi baroh kawei. Ha kane ka kynti ka seng ka la shim ia kane ka kabu ban pynlong ia kane ka lympung kum shi bynta ban pynkiew iaki samla donsap bad ban ai mynsiem ia ki ba kin kiar ruh na ki jait jingdih pynbuaid ba har rukom.
Ia kane ka lympung ialehkai phutbol la pynlong ha Madaw Iawmuchai (Thangraiñ) bad la wan ban plie pyrda da u Agustan Timung uba long u Organizing Secretary jong ka KSU-JHDU kum u kongsan ha kane ka sngi, ha ka jingiadon lang u Secretary shnong Loadstar Nongjngi, u samla Daeimi Liam President ka Shilliang Myntang Circle, ki nongialam bad ki dkhot jong ka KSU Thangraiñ Unit bad ki nongshah khot sngewbha.
Ha kane ka sngi sdang ka jingialehkai ka long hapdeng ka Eagle FC (Mynsngad) pyrshah iaka Turchaphrang FC (Thadbamon), ha kaba ka Turchaphrang FC Ka la lah ban pynliem noh ia ka Eagle FC da 2-0 kol.