U Executive Engineer, Khliehriat Distribution Division, MePDCL, Khliehriat ha ka jingpyllait khubor ula pyntip paidbah ba na ki daw bym lah kiar namar ba kan don ka jingmaramot ia ka line 132/33Kv Sub-Station kaba don ha Lumshnong kan sa don ka jingpynlip bor ding (Electricity) naduh ka por 07:00 Hrs jong ka 3 tarik haduh ka por 7:00 hrs jong ka 5 tarik mynta u bnai.
Ki shnong ki ban shah ktah na kane ka jingpynduh bor ding kin kynthup ia ka Lumshnong, Chiehruphi, Musiang Lamare, Mynkre, Nongsning, Umtyra, Tongseng, Sunapur, Kuliang, Umkiang, Malidor bad ki shnong ba marjan.
U la pyntip ruh ba na ka liang ka ophis kan pyrshang katba lah ka bor ban trei pynkloi ia ka kam, khnang ba kan ym ktah eh ia ki nongshong shnong ka thaiñ.