Ka St.Joseph’s Secondary School Nongtalang, ha ka 5 tarik mynta u bnai ka la ioh ban plie pyrda ia ka “3rd St.Joseph’s School Knockout Football Tournament 2022” ha Madan Shingtoi ha Nongtalang. Ka jingthmu jong katei ka Tournament ka long shibynta ban pynmih fund ia ka skul khnang ban nanglah ban pyndap pynbiang iaki jingdonkam jong ka skul.
Ia katei ka Tournament la wan ban plie pyrda da u Ex-MLA ka thaiñ u ma Stephanson Mukhim kum u Kongsan bad u MDC ka War Central u ma Holando Lamin kum u Symbud Kongsan haka jingiadon lang u Headmaster ka Skul u Babu Anthony Pohrmen, ki Nonghikai ka skul, ki khynnah skul lem bad kiwei kiwei ki riew pawkhmat bad ki nongkitkam ka Skul.
U Ma Stephanson Mukhim haka jingai jingkren jong u, u la pynpaw ba daka jingia shim bynta lang ban ai ka jingkyrshan iakane ka Tournament kan long ka jingkyrkhu kaba khraw iaka skul khnang ba ki jingthmu jong ka skul kan long kaba seisoh. U la ong ruh ba lyngba katei ka Tournament ki Samla ialehkai kin ioh ka lad ban pynpaw iaka sap ka phong jongki, bad kumjuh haka jingialehkai don kiba jop bad don kiba shah rem hynrei iakata ymdei ban kynrandien hynrei dei ban nang iai minot khnang baka sap jong ki nongialehkai kan nymlong kaba sepei.
Hakane ka sngi plie pyrda iaka Tournament ka jingialeh kai ka long hapdeng ka Nonglamin Fc pyrshah iaka St Joseph Fc ha kaba jingialeh kai hapdeng kine ki ar kynhun ka Nonglamin FC ka la lah ban pynliem iaka St Joseph Fc da 4 la 3 kol.
Ka khubor ba la pyllait da u ma A. Manar
Chairman Tournament Committee bad ma P.S Bareh Secretary Tournament Committee.