Nangbah Iawmusiang vrs Sailung Ialong & Moosyiem Shangpung vrs Mukhla Raij
Ka lympung ïalehkai phutbol jong ka kyrdan 1st Division Football Tournament, 2022 ïa kaba la ai kyrteng ka ‘Chatister Kharkongor Memorial Trophy’, kaba la long mynta ka sngi ha madan Kiang Nangbah Stadium, Dongmihsngi Jowai kala jam noh sha ka jingïakhun Semi Final ka ban long ha kane ka 11 bad 12 tarik u Naiwieng, 2022.
Ïa kane ka lympung la pynïaid da ka (WJDSA) shi bynta na ka jingrakhe jubilee ksiar ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun ba nyngkong mynta ka sngi 7 tarik Naiwieng na ka liang ka kynhun ïalehkai jong ka Moosalyngkat SC kala lah ban pynliem da 3-0 kol ïa ka Chilliang Raij SC. Ïa ki kol na ka Moosalyngkat SC la thep da u Ksohlangki Rymbai ha ka minit ba 12, u Rikenson Suting minit ba 44 bad u Lalthakuma Ngaite ha ka minit ba 62.
Katba ha ka jingïakhun kaba ar ka Mukhla Raij SC kala jop syndon da shikol (1-0) ïa ka Wahiajer SC ha ka jingïalehkai kaba ïakhait bha hapdeng kine ki ar kynhun. ïa katei ka shikol na ka Mukhla Raij SC la thep da u Joydeep Bamon ha ka minit ba 63.
La pyntip ba kane ka lympung kala jam noh sha ka jingïakhun jong ka Semi Final ka ban long ha ka 11.11.2022 hapdeng ka Nangbah Iawmusiang SC pyrshah ïa ka Sailung Ialong haka por 1 waje shiteng nongphai sngi. Katba ha ka 12.11.2022 ka ka jingïakhun kan long hapdneg ka Moosyiem Shangpung SC pyrshah ïa ka Mukhla Raij SC ha ka por shi baje shiteng noh phai sngi.