Ka ophis jong u Deputy Commissioner (Election), West Jaintia Hills, ka la pyntip ba kan don ka Special Summary Revision jong ka Photo Electoral Roll katkum ka 01.01.2023 kan sdang naduh ka 09.11.2022 na ka bynta ka 1-Nartiang, 2- Jowai, 3- Raliang bad 4- Mookaiaw Assembly Constituency.
La iathuh ba ka Election Commission jong ka Ri India ka la ailad ia ki nongshong shnong ban pyndap ia ki Form bapher bapher naduh ka 09.11.2022 haduh ka 08.12.2022.
Ki samla kiba la dap 18 snem katta katkum ka 01.01.2023, ki lah ban pyndap ia ki Form ban pynrung kyrteng ialade ha ka Electoral Roll. Shuh shuh la ailad ruh ia ki nongshong shnong ki ban sa dap 18 snem ka rta katkum ka 1st April, 1 July bad 1st October ba kin submit lypa (in advance) ia ki Form ban pynrung kyrteng bad ia ki Form jong ki yn sa bishar da la dei ka por katkum ka jingbthah ba ioh na ka Election Commission ka Ri India.
Ki nongshong shnong kiba kwah ban weng noh (delete) ia ka kyrteng jong ki ba haïing hasem jong ki kiba la khlad noh ki lah ban pyndap ia ka Form 7 hapoh kitei ki tarik ba la kdew haneng. Kumjuh ruh ban weng kyrteng ia kiba don artylli ki Vote, lane kiba la transfer vote sha kawei pat ka jaka.
Kumjuh kito kiba kwah ban rah kyrteng na kawei ki Polling Station sha kawei pat (Transfer) bad kiba kwah ban pynbeit ia ki jingbakla (correction) ha ki EPIC jong ki, ki lah ban submit form ha kitei ki tarik ba la buh.
La iathuh ba ia ki Form bapher bapher lah ban submit ha ki Booth Level Officer (BLO) kiba don ha man la ki Polling Station. Ki tarik ba kyrpang (Special Campaign Dates) ha kaba ki BLOS kin don ha ki Polling Station ki long 18 bad 19 November 2022 (1st Round) bad 25 & 26 November 2022 (2nd Round).
la ki Form lah ruh ban submit online lyngba ka NVSP/ Voter Helpline App.
U Deputy Commissioner (Election) u la kyntu ia baroh ki nongshong shnong jong ka West Jaintia Hills District ban shimkhia bad ban iatreilang bad ka office khnang ban ioh ia ka E-Roll kaba khuid kaba suba.