Ka jingkhmih lynti kaba da ki bun bun tylli ki snem jong ki nongshong shnong ka thaiñ Rambrai kaba don sha ki bynta ba kyndong jong ka West Khasi Hills ban ioh iala ka jong ka Block dei tad mynta ka sngi ba u Chief Minister ka jylla u Conrad K. Sangma ula wan ban plie paidbah ia kane ka Community and Rural Development Block jong ka Rambrai ha ka jingiadon ryngkat u MLA ka thaiñ u ban Kimfa Sidney Marbaniang bad u MDC ba Bajop Pyngrope kaba la pynkmen shi katdei eh ia ki nongshong shnong ka thaiñ.
Ka Rambrai Block ka dei kaba la phiah na ka Nongstoin C&RD Block, kane ka Block kan kdup kumba 584.628 sq.Km bad ka kynthup ia ki 109 tylli ki shnong ha ka jingbun briew kaba 36148 ngut. Kane ka Block kan treikam shwa na ka ophis ba shipor katba dang pyntrei ia ka ophis thymmai jong ka.
Haba kren ha ka jingialang u Conrad ula ong ba ka jingpynmih ia ki Block ba thymmai ka long ban wanrah ia ka jingsynshar shaduh ki bynta ba kyndong tam jong ka jylla. Ula ong ba lyngba ka jingdon jong kane ka Block yn sa lah ban wanrah ia ki kam pynroi ba bun jong ka sorkar sha kine ki thaiñ.
U Chief Minister ula ong ba ka thaiñ Rambrai ka dei kaba la shah ieh khunswet ha kiba bun ki liang da ki bun bun tylli ki snem, kumta ula ong ba ka jingwan poi jong kane ka Block ha kine ki thaiñ kan long ka jingmyntoi kaba khraw ia ki nongshong shnong ka thaiñ. Ula pynkynmaw ruh ba mynta ka surok Nongstoiñ-Rambrai-Kyrshai kala don mynta ha ka jingpyntrei bad shen yn sa lah ban pyndep noh ia ka. Kane ka surok ka shongdor haduh T.231/- klur tyngka.
Ula ong ruh ba ia ka Rambrai PHC yn sa kyntiew kyrdan noh sha ka CHC noh shen. U Sangma ula ong ruh ba bun tylli ki LP Skul hapoh ka thaiñ Rambrai la ioh ban shna pynbha bad don ruhkiba la shna thymmai.
Ha kane ka jingwan iuhkjah ha Rambrai u Chief Minister ula sam ruh ia ki jingiarap sha ki nongioh bynta lyngba ka Biggest Farmers’ Welfare Program Focus bad Focus Plus, la san ruh ia ki symbai sniang bad syiar Kuroiler hapoh ka skhim Rural Backyard Piggery bad ka Poultry Scheme “Progress” bad ruh la sam ia ka jingai jingiarap sha ki kynhun jong ki samla hapoh ka Yess Meghalaya bad ruh sha ki SHGs jong ki longkmie.
Ki shnong kiba hap hapoh ka jingpeit jong ka Rambrai C&RD Block, West Khasi Hills District ki kynthup ia kine harum:-
Kyrshai, Nongspung Kyrshai, Mawpun, Dariphang, Doledonga, Umkhamdor, Mawdongkop,
Borkhuli, Hasem, Warigro, Umthli (Kyrshai), Umdiangphiang, Umdiangsiar, Talimara,
Ukiam, Umbah, Mawdiangkper, Mawdumdum, Lawshnong, Mawpayier, Nongkhusar,
Mawdoh, Mawlangstieh, Mawroh Umkatha, Mawrongtein, Sawtalad, Mawbuhtraw,
Mawkyrngah, Mawdong, Umiong, Urkhli, Mawliehpoh, Mawiawniang, Nongthymmai,
Mawlasaw, Synia, Nongriat, Nongbudum, Nginiong, Mawlum Nginiong, Mawbyrkong,
Mawlieh, Mawphansyiar, Mawkohiew, Mawmluh I, Shitangbah, Sohshynrut, Mawphansin,
Umsumbah, Ramsngiwar, Nongkdait, Umlongpung, Dirang, Mawthungmarwei, Steplanglur,
Mawkohniang, Domjri, Diskiang, Diskiang Pungsior, Domshohksoin, Phudumbah,
Phudumbah Sepngi, Ranapbah, Mawthir, Khynrin, Sohmynthar, Nongkyllang, New
Nongkyllang, Nongpliang, Nongkyndang, Lawdibah, Marshiang, Siejlieh Rambrai,
Mawiawtep, Mawmluh II, Umsiej, Mawthaw, Nongshiliang, Rambrai, Mawkohiang,
Mawkohmah, Nongbah, Mawrang, RL Iew Rambrai, Nongkroh, Mawdet, Mawlangbah,
Mawshad, Marwa, Pungphreit, Mainop, Mawkhiat Mihngi, Rynniaw, Mawkhiat Sepngi, Um-
A, Domkyrkoh, Umshem, Mawiong, Thiepkseh, Shilliangktieh, Mawrok, Mawrok Nongnah,
Mawlangsu, Domkohmen, Lummyrsiang, Mawkohlur, Thamah, Tiehdang bad Mawphanlur.