Jowai: Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 166 ngut, kiba la koit na ka jingpang ki don 172 ngut katba kiba la khlad na kane ka jingshitom ki don 4 ngut. Na kine ki ba khlad 3 ngut ki dei ki bym pat dep ai ia ka tika jingiada Covid.
Na Ri Lum Jaintia : Na East Jaintia Hills ki ba ioh pang thymmai ki don 3 ngut, ki ba koit ki don 2 ngut bad ym don satia ba khlad mynta ka sngi. Na West Jaintia Hills pat kiba dang ngat thymmai ki don 10 ngut, kiba la koit ki don 41 ngut bad ym don ba khlad mynta ka sngi.
Katkum kane ka kaiphot ka pynpaw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills kiba don 97 ngut bud sa ka West Khasi Hills 42 ngut.
