“Ïai pynjaboh ïala ka jingthiah bad ha kawei ka sngi, phin sha tap-op hala ka jong ka jakhlia” (Continue to contaminate your bed, and you will one night suffocate in your own waste) Kine ki dei ki kyntien jong u Seatle u rangbah nongïalam jong ka kynhun ki jaidbynriew trai shnong ka America (Native American) ki Duwamish. Ka nongbah Seattle haka ri United State of America kala ïoh ïa ka kyrteng jong ka dei na une u Seattle keñ. Ïa kine ki kyntien ula thoh ha kawei na ka shithi kaba ula thoh sha u President ba 14 jong ka ri Amerca u FranklinPierce ha ka snem 1855.
Mynne jait ba ka dei ka sngi ba kyrpang ki khynnah, ka Nongtalang College Eco Club hapoh ka jingpynïaid jong ka department of Environment Studies jong kane ka college kala pynlong ïa ka Awareness Campaign on Waste Management haka building jong kane ka College hi ha Nongtalang. Ïa kane ka jingïalang pynpynshai paidbah la pynïaid da u First Born Myrchiang uba long u Lecturer jong kane ka College. Ha kane ka Awareness la wan ai jingpynshai da u Dr H.H. Mohrmen ryngkat bad ka kynhun jong u na ka seng Society for Urban and Rural Empowerment, (SURE) Jowai.
Kane ka jingai jingpynshai kala don ar bynta bad ha ka bynta kaba nyngkong la ïoh jingpynshai halor ka Solid Waste Management Rule 2016 bad pynbud pat sa ka jingai jinghikai kumno ban pynïakhla ïa ka ñiut bad ban pyndonkam ïa ka ñiut na ka bynta ka jingmyntoi jong ki briew. Ki khynnah jong kane ka skulbah ki la ïashim bynta shong shit ha kane ka jingai jinghikai bad ki angnud uh ban pyntreikam ïa ki jinghikai kiba kila ïoh. Ula ong ruh ba ngi baroh ngi dei ki nongpynmih ñiut bad ka dei ka kamram bad ka jingkitkhlieh jong ngi baroh ba khmih ba ngin manage ne lehei ei ïa ka ñiut kaba ngi pynmih.
Haba pynkut ia ka jingai jinghikai u Dr Mohrmen ula pynkynmaw ïa kine ki kyntien kiba une u briew ula kren palat 167 snem mynshuwa. Ka jingeh kaba khraw kaba ap ïa u khun bynriew nalor ka jingnangkiew ka jingshit ka pyrthei bad ka jingkylla jong ka jinglong ka suñ ka dei ka ñut kaba u khun bynriew u pynmih. Ka jingpynmih jaboh ha kylleng ka pyrthei kala wan rah ïa ka jingeh ïa ka pyrthei hi baroh kawei bad lada ngim lah ban manage ïa ka waste jong ngi, ngin sa shah tyllep ha ka ñut kaba ngi pynmih.
Kiwei pat kiba la ai jingkren ha kane ka sngi ki dei u ma Kmen Myrchiang uba long u Secretary jong ka Govening Body jong ka College bad la ïoh ruh ïa ka jingrwau na ka samla Fabulour Rymbui bad ki paralok bad ka kong S. Suting kala tyrwa ïa ki kyntien ai khublei. Kiba wan ïashim bynta naka liang ka SURE ki dei ka samla Ilasiewdor Gashnga bad ka samla Potisni Khonglah.
