U Joint Director ka Health Services (SS), Civil Hospital, Shillong ula pyntip ba kala don kawei ka met iap jong u rangbah briew kaba dang sah haduh mynta hapoh Civil Hospital, Shillong na ka daw ka jingbym wan shimti jong kiba ha ïing.
Na ka liang ki bor pyniaid jong ka Hospital kila iathuh ba ia une u rangbah bym lah ban tip ia ka jaka shong jaka sah uba don hapdeng ka jingshitom jur la wan ban pynthiah hapoh ICU ha ka jingthiah kaba 4 ha ka 5.11.2022 ha ka por 11:45. Na ka daw jong ka jingshitom une u briew ula khlad noh ha kane ka 12.11.2022 ha ka por 3:30 PM.
Naduh katei ka sngi ba khlad haduh mynta katei ka met iap ka dang sahkut hapoh ka jaka buh met iap ka Civil Hospital Shillong, kumta ki bor pyniaid ka Hospital ki kyntu ia kiba don jingiadei bad kane ka met iap ba kin sngewbha ban wanshim noh ia ka, lym kumta yn hap ban aiti noh ia kane ka met ba dangsah sha ka Shillong Municipal Board ban leh ia kaba donkam.