Jowai: Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 263 ngut, kiba la koit na ka jingpang ki don 162 ngut katba kiba la khlad na kane ka jingshitom i don i wei. I ne i ba khlad i dei i bym pat dep ai ia ka tika jingiada Covid.
Na Ri Lum Jaintia : Na East Jaintia Hills ki ba ioh pang thymmai ki don 1 ngut, ki ba koit ki don 2 ngut bad ym don satia ba khlad mynta ka sngi. Na West Jaintia Hills pat kiba dang ngat thymmai ki don 13 ngut, kiba la koit ki don 9 ngut bad ym don ba khlad mynta ka sngi. Katkum kane ka kaiphot ka pynpaw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka Ri-Bhoi kiba don 89 ngut bud sa ka West Khasi Hills 69 ngut.