Ka Hynñiewtrep Integrated Territorial Organization (HITO) West Jaiñtia Hills District hapoh ka jingïalam u General Secretary u samla Crisence Ksoo bad Finance secretary u samla Wanbiang Pulang haka jingsynran lang u General Secretary ka Sengkmie u bah Wanbun N Dkhar mynta ka sngi ka 17 tarik Naiwieng 2022 kila leit ban ai daka dorkhas ha u Deputy Commissioner ka West Jaiñtia Hills District u B.S. Sohlyia (IAS) halor ka jingbymbiang ka jingthew jingwoh ïa u khaw rashon lane PDS ne NFSA kiba pynpoi ïa u khaw daki Wholesaler sha ki Dealers jong ki shnong bapher ba pher hapoh ka West Jaiñtia Hills District.
Ka seng hadien baka la ïoh ïaka jingujor na ki katto katne ki Dealers ka la leit ban ïakynduh ïa u DC ban wad ïaka jingshisha mano ba don kti haka ban pynduna ïa u khaw u ba dei u khaw ban sam shaki long ïing ba duk bad kane ka jingleh jong ki Wholesalers ka wanrah ïaka jingtharai sniew ïa ki Dealers daki nong ïoh bynta hynrei ynda la wad jingtip ka jingduna jong u khaw ka dei ba naduh ki Wholesalers. Haka jingïakren bad u DC ula ong ba kane ka dei ka jingujor kaba nyngkong halor kane ka kam bad ula kular ruh ban shimkhia bad bud dien ïa kane ka kam ban lap ïaka jingshisha bad pynbeit shisyndon bad naka liang ka seng kala kyntu ïa u DC ba lada ym lah ban tehlakam ïa kine ki jingeh la dei ban ailad noh ïaki Dealers ban leit sei hi noh ïa u khaw na FCI khlem da iaid lyngba ki Wholesalers.