Ka lympung ïalehkai phutbol ba la tip kum ka ‘Open To All Knockout Football Tournament, 2022’ ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun na ka liang ka kynhun ïalehkai jong ka Little Star Academy Mairang kala lah ban pynliem da 3-1 kol ïa ka Moobynna FC Nartiang, ïa kitei ki lai kol na ka Little Star Academy Mairang la thep da u Kordor Dkhar ha ka minit ba 13 bad u Banshan Nongdhar ha ka minit ba 45 & 70. Katba ïa ka shikol na ka Moobynna FC Nartiang la thep da u Emerald Dan ha ka minit ba 46.
La pyntip ba ka jingïalehkai ‘Pre Quarter’ kan long ha ka 18 tarik bad ka 21 tarik u Naiwieng 2022 ha ka por 2 baje nohphai sngi.