Ka ophis jong ka tnad ka rep ka riang ka West Jaintia Hills District mynta ka sngi, hapoh ka jingialam jong u Agriculture Development Ophisar (ADO) bah S. Syngkon kila wan ban ai ia ka jing batai shaphang ka rep ka riang bad halor ki skhim bapher bapher kiba ki nongrep ki dei ban ioh jingmyntoi. Kane ka prokram ka long ruh shi bynta na ka jingpyntreikam ia ka skhim National Food Security Mission (NFSM).
Ha ka jingkren jong u DAO, u la batai shaphang ki skhim kiba kynthup ia ka PM Kisan, ban pynioh insurance bad ka pension ia ki nongrep bad kumno ban iada ia ka jingbam ki khñiang bad jingshah pynjot ki jingthung jingtep jong ki.
Hadien ka jingbatai bad jingpynsngewthuh la sam ia ki symbai jhur bapher bapher sha ki 58 ngut ki nongrep kiba wan iashim bynta ha kane ka program. Ha kane ka sngi ia ka jingialang la pyniaid da u Waheh Shnong ma D. S. War uba u la pdiang burom ruh ia ki sahep sorkar bad pynpaw ia ka jingkmen kaba khraw iaka tnat ka rep ka riang ba ki la pynsngewthuh shibun shaphang ka rep ka riang ia ki nongrep jong ka thaiñ Namdong B.