Ka Khasi Students’ Union Sports Committee EJHDU kala pynkup burom ka ia u Samla Eleven Dkhar u ba dei na ka Shnong Tuber East Jaintia Hills District. Ha kane ka jingpynkup burom la ia don ryngkat lang ki Nongkitkam Shnong ka Tuber Kmai Shnong naduh u Rangbah Shnong, Secretary Shnong bad kiwei kiwei ki nongkit kam Shnong bad ki ba ha iing ha sem jong u Samla Eleven Dkhar bad na ka liang jong ka Seng la lamkhmat da u Chairman ka Sports Committee ka Seng u Samla Shwari Ryngkhlem bad ha ka jingiadon u Deiniwan Lyngdoh Organizing Secretary KSU EJHDU bad u Phulmi Dkhar Asst. Secretary KSU Wapung Unit.
U Samla Eleven Dkhar u la ioh khur ia ka Takma Ksiar ha ka jingiamareh kaba 800 mt, Takma Rupa ha ka jingiamareh 1500 mt bad Takma Rnong ha ka Relay Race jong ka 2nd North East Olympic Game 2022 kaba long hapoh ka jylla.
Ka Sports Committee ka sngewkmen bad sngew sarong ia u ne u Samla u ba la lah ban wan rah nam bad burom ia ka District East Jaintia Hills bad ia ka jylla hi baroh kawei.
Ka Seng ka kitbok kitrwiang ia baroh ki Samla kane ka District kiba ia shim bynta ha ka 2nd North East Olympic Games 2022 bad ba kin nangtrei shitom bad kin nangkiew sha khmat ha ka kam ialehkai Sports.
Kane ka long katkum ka kyrwoh na u Chairman Sports Committee Khasi Students’ Union EJHDU.