Ka sorkar Meghalaya ka la pynmih ia ka hukum lyngba u Principal Secretary to the Government of Meghalaya, C&RD Department ban yn pynkha noh shen ia ka Namdong C&RD Block kaba don hapoh West Jaintia Hills District.
Ki shnong kiba hap hapoh ka Namdong C&RD Block ki kynthup ia ka Namdong-A, Namdong-B, Mynkhnang, Umjalisiaw, Lumrot, Madanrtiang, Thadmukoh, Khonsaro, Kremmyrsiang, Thadmynri, Mynkrem, Khliehriat, Iongsnieh Takhniang, Saphohwaiong, Sanaro, Pdeiniadaw, Pdeniaw-musiang, Ringkyrtein, Moobakhon, Nongthymme, Mookjat, Moorap, Ksehrynshang, Kremlabit, Nongmulieh, Khanduli, Rudumplu, Umshangiar, Saitsama, Tamu, Shiabnai, Lakaroi Pnar, Mukoiram, Lad-Myngngor, Pdeintaloo, Lumlakhiat, Lapangap, Myngngor, Myn-I bad Rtiangsanphew.
Katkum ka khubor na ki bor pyniaid District jong ka West Jaintia Hills District lyngba u Deputy Commissioner bah B.S. Sohliya, IAS, la pyntip ba ia kane ka Block yn plie noh ha ka 21 tarik (Sngi Nongkong) mynta u bnai da u Myntri Rangbah ka Jylla u Conrad Sangma.