Ka Food Corporation of India (FCI), FSD Jowai kaba don ha Khliehtyrshi, West Jaiñtia Hills District mynta ka sngi kala ïoh ban pynlong ïa ka Showcase ne ka jingpyni ïa ki rukom pynïaid ïa ka kam ka jam bad ki jaka buh ïa ki mar ki mata jong kane ka jaka ki jingthoh ne ki saiñ ban pynithuh ïa ki jaka bapher bapher hapoh kane ka jaka.
Ha kane ka sngi la donglang ruh u Sub Inspector of Food Supply u bah R. Laloo, ha kaba la ïoh ban pyni ïa ka rukom treikam bad rukom buh ïaki mar ki mata na u Technical Assistant ka FCI-FSD Jowai u bah Darlet Dkhar, ha kaba ula ïathuh kum shi bynta ban ïadon lang bad ka Digital India hapoh ka jaka treikam jong ka FSD-Jowai ruh baroh ki nongtrei kila don la ka jong ka jong ka kam da ki kor Computer kaba pynsuk ïa ka rukom treikam ïa ki Staff ha ki bynta bapher bapher.
U bah Darlet ula ïathuh ba ïa FCI la seng ha u snem 1964 da ka Food Cooperation Acts, bad ka jingthmu ba kongsan jong ka FCI ka long ban pynbiang ïa ki marbam kum ïa u khaw ban pynïoh sha ki jaka ne ki shnong bym rep ïa u khaw ha ka dor kaba bit, kaba la buh ruh ïa ka thong baroh ki briew jong ka ri kin ïoh ïa ka bam lyngba ka Food Distribution System.
Shuh shuh ka FCI ka la kyntiew ïa ka rukom trei kam ka jong ka katkum ka juk ba mynta, kum ha kaba buh ïa ki sign ne ki jingkdew, ki tiar ban ïada na ka jingpluh ding bad kiwei na ka bynta ban pynsuk ïa ki briew kiba nabar bad ïa ki nongtrei, kumjuh ka jingkyntiew ïa ka jingkhuid jingsuba ha ki Go down ne ki jaka buh ïa ki mar.
Ha ka jingïadei bad ka jingkynnoh ha kaba ïadei bad ka jingbym biang ka jingthew lane ka jingsniew jong u khaw kam pat don kaei kaei kumta namar ha shwa ban poi u khaw hapoh ka kudam la dep ban pynthikna ba u dei u khaw u ba bha.
Sa kawei ruh ha ka jingïadei bad ka jingdon uta khaw ba suba plastic ha manla u khaw, ka dei kaba la buh hi da ka sorkar bad une u jiat khaw u dei pynbna uba ai jingmyntoi ïa ki briew ym dei u ba sniew hynrei lyngba ka jingtip ka tnat ba dei peit ïa ki bam ki dih hapoh ka ri.
