Ka Seng FKJGP War -Jaintia Circle ka la byrthen da kaba tyngeh ia ka tnad MePDCL hadien ka jingbym shimkhia jong katei ka tnad ban pynioh bording mardor ia ka shnong Pamtadong Shnong kaba hap hapoh ka Amlarem Sub-Division, West Jaintia Hills District la kumba 10 snem duna eiei tang na ka daw ba sniew u Tranformer ha kane ka shnong ka la pynlong ia ki paidbah ba kin mad ha ka khim ka sohsat.
Wat hadien ba ka Seng ka la dep ban ai jingthoh ha ka 30/03/2021 ha i Asst. Excutive Engineer MePDCL Amlarem Distribution Sub -Division bad hadien nangta pat ka la ai jingthoh biang ha i Excutive Engineer Jowai Distribution Division ha ka 09/12/2021 hynrei na ka liang kane ka tnad kam patiaw eiei haduh kine ki sngi ba mynta.
Kumta na ka liang ka Seng ka la dep shim ia ka rai ba tyngeh ban kan khang tala noh noh shisyndoh ia ka ophis MePDCL lada kam lah ban pynpoi bording ia kane ka shnong hapoh shitaiew.
Kane kalong katkum ka kyrwoh ba la pyllait da u Bah Shlur Mukhim President bad u Bah K.M.Khonglah Asst.Secy FKJGP War Jaintia Circle.