Hadien ka jingmihkhubor hamsaia halor ka jingduna umphniang Petrol bad Diesel hapoh ka jylla kala mih ka jingdheng kali kaba jur na ka daw jong ka jingienglain jong ki kali ban ioh thep umphniang ha ki Petrol Pump bapher bapher ha nongbah Shillong.
Kumta na ka liang ki bor pyniaid District lyngba ka Deputy Commissioner jong ka East Khasi Hills District kong I. Laloo, IAS kala pynbna paidbah ba haduh mynta kam don kano kano ka jingduna umphniang (Petrol / Diesel) hapoh ka Jylla khamtam hapoh ka nongbah Shillong.
La iathuh ba ki Company, ki nongshalan umphniang bad wat ki nongniah trok kit umphniang kiba nabar jylla kila pynthikna ba kin pynpoi umphniang shapoh ka District ha ryngkat ka jingshimkhia lang ki bor pyniaid District, khnang ba kan ym don kano kano ka jingshahktah ki paidbah.