Shi bynta na ka jingkynmaw bad rakhe burom ia ka sngi ba ka ri India lyngba ka Constituent Assembly kaba la long ha ka 26, 1949 kala pdiang ia ka Riti treikam (Constitution) jong ka ri India ia kaba la tip ruh kum ka ‘Samvidhar Divas’, mynta ka sngi la rakhe ia kane ka sngi bakhraw ha ïingsah jong u Lat ka Jylla ha Raj Bhavan ha nongbah Shillong.
Ki heh sorkar ba kynthup ia ki sahep bad ki nongtrei jong ka Raj Bhavan kila ialum lang ha Durbar Hall ha kaba kila pule ia ka jingtehkular da kaba pule ia ka Preamble kaba la lam khmat da u Chief Secretary ka Jylla u bah D.P. Wahlang, IAS.
Ka dei ha u snem 2015 ba ia ka 26 tarik u Naiwieng la pynbna da u Myntri Rangbahduh ka Ri u Narendra Modi ba kane ka sngi kan long kum ka sngi kynmaw burom ia ka jingioh ia ka Riti Synshar ka Ri India ne ka Constitution Day. Ha kane ka juh ka sngi ula buh Mawnongrim ban sdang tei ia ka dur Mot jong u B.R Ambedkar ia kaba la tip kum ka ‘Statue of Equality, ha nongbah Mumbai. Kane ka dei artad ka jingdap 125 snem jong ka sngi kha jong u Dr. Ambadkar ia uba la tip kum u Kpa jong ka Constitution ka Ri India.
Kane ka jingrakhe ia kane ka sngi ka long ruh shi bynta ban pynsaphriang ia ki jingmut jingpyrkhat jong u Dr.Ambedkar uba la thoh ia kane ka Constitution, la pynkynmaw ba ka Constitution Day ka long ruh ban pynpaw ia ka dor jong ka Constitution hapdeng ki nongshong shnong baroh jong ka Ri India.