Ka lympung ïalehkai phutbol ba la tip kum ka ‘Open To All Knockout Football Tournament, 2022’ ba la pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Ïa kane ka lympung la pynïaid da ka (WJDSA) shi bynta na ka jingrakhe jubilee ksiar ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Haba phai sha ka jingïakhun Semi Final ba nyngkong mynta ka sngi 28 tarik ka Jaraiñ FC kala lah ban pynliem da 3-1 kol ïa ka Iatyllilang FC Wapung. Ïa ki kol na ka Jaraiñ FC la thep da u Figo Syndai ha ka minit ba 34, u Shano Tariang ha ka minit ba 54 bad u Riborlang Dkhar ha ka minit ba 57. Katba ïa ka shikol na ka Iatyllilang FC Wapung la thep da u Kitbok Pale ha ka minit ba 60. Lyngba kane ka jingjop la Jaraiñ FC kala buh jaka ïalade ha ka phinal jong kane ka lympung.
La pyntip ba ka jingïalehkai Semi Final ba ar kan long lashai ka sngi 29 tarik hapdeng ka PHE pyrshah ïa ka Seiñpynbhalang Sahsniang.