Kyntu ki nongialam JYF ban trei hok na ka bynta ka ri bad jaidbynriew

Ka Jaintia Youth Federation (JYF) ka la pynthymmai ia ki nongkitkam ka Jowai Circle ha ka 24/09/2021. Ia ka jingpynskhem ia ki nongkitkam bad ki dkhot la pynlong ha Office treikam ka seng. Shwa ban pynskhem  ia ki nongkitkam bad ki dkhot, la pynlong da ka jingialang ba la pyniaid da u General Secretary Mr. S. Pajuh. U President rangbah Mr. O.L. Tariang shwa ba um pynskhem ia ki dkhot u la pynsngew shwa ia ka nongrim jong bad ki jingthmu trei kam jong ka seng.

Ki nongkitkam bad ki dkhot ki long kumne harum:-

1. President                                 : Mr. Neil Jordan Rymbai
2. Vice –President                       : Mr. Issac Hadem
3. Secretary                                : Mr. Shemphang Shylla
4. Joint Secretary                        : Mr. Khamti Phawa
5. Finance Secretary                    :  Mr. Iakini Dhar
6. Asst. Finance Secretary          : Mr. Ruling Pohtam
7. Publicity Secretary                 : Mr. Cliffort Marx Shylla
8. Sports Secretary                     : Mr. Pynroi Rabon
9. Arts & Culture Secretary        : Mr. Joe Dickenson Siangshai
10. Education Secretary                : Mr. Janlangki Langstang
11. Environment Secretary           : Mr. Dameshwa Bareh
12. Organising Secretary               : Mr. Rapmiki Pohtan
13. Dkhot : Mr. Iahluti Dhar, Mr. Delitrius Khonglah, Mr. J. Lytan, Mr. Bolsa Rymbai bad Mr. Rilang Dhar

Hadien bala pyndep ia ka jingpynskhem  la ioh ia ka jingkren lyngkot da ka Smt. F. Sana, Secretary Women’s Wing –CB kaba la ai mynsien bad  kyntu ia ki ba kin long kiba trei khlem kynran dien bad khlem jingsheptieng na ka bynta ka bha ka miat ka imlang ka sah lang ka ri jong ngi. U Mr. Becareful Chyrmang, Secretary Environment u la kit bok kit rwiang ia ka jowai Circle bad kyntu ruh ia ki ba ki dei ban long kiba ia tylli ha kano kano khep kaba ki ia kynduh haba trei na ka bynta ka iap ka im ka ri bad ka jaid bynriew namar u ong haba ngi long kiba  iasngewthuh jingmut bad ia tylli ym don ki bor kiba lah ban jop ia ki bad ruh ka long ka borbah ba lah ban rat diengkhong ia kino kino ki jingeh. La ioh ruh ia ki kyntien sneng, kyntu bad ka jingkitbok kitrwaing na u  Mr. Oswal Nampui, President Saipung  Circle, Mr. Timothi Pala, President LAdrymbai Circle bad kumjuh ruh ki kyntien khublei na ka Smt. A. Dkhar , President Women’s Wing.

La ioh ia ka jingkren lyngkot na u Presidenqt, Secretary bad katto katne ngut ki dkhot ka Jowai Circle kiba la kyntu ia baroh kine ki nongkitkam ba thymmai ban long kiba trei shitom  met bad mynsiem na ka bynta ka ri bad ka jaid bynriew.