Mynta ka miet (28.11.22) ha ka por kumba 9 baje eiei kala don ka jingpluh ding ba jur jong kawei ka ïing kaba don ha shnong Moodymmai Lumsalah, West Jaiñtia Hills District.
Ha kane ka jingjia ka ding kaba klang kala ïoh ban duh ïa ka ïing baroh kawei bad kaba la wanrah ka jingjia ba sngewsih ha kaba ar ngut ki hep rit kila duh ei iala ka jong ka jingim na ka jingshah bam duh ha ka ding.
Kine ki ar ngut ki het rit (shynrang) ki dei kiba dang don ha ka rta kaba 9 snem bad 10 snem ka rta.
Katkum ka khubor ba la ïoh lum la ïathuh ba ha ka por ba pluh kane ka ïing ka kong Dashisha Talang kaba dei ka trai ïing kam shem don satia ha ïing namar ba ka dang leit donkam. Ia ka daw jong ka jingpluh jong kane ka ïing ym pat shym la tip satia haduh ba thoh ia ka khubor.
Ki paidbah hadien ba kila ïohi ïa kane ka jingkem ding jong kane ka ïing kila pyrshang ban tem ïa kane ka ding kaba la klang hynrei kim lah satia namar ba ka dei ka ïing dieng kumta ka ding kala ïoh ban bam lut ïa baroh ki jingdon jingem hapoh katei ka ïing.
Na ka liang ki pulit haba la ïoh jingtip kila poi mar mar sha kane ka jaka bad leh ïa kaba donkam.