Ka shnong Bakur kaba don hapoh ka Elaka Nongtalang Dalloiship, West Jaintia Hills District hynnin ka sngi ka la pyllong ia ka Dorbar bah ban jied ïa u Waheh Shnong ba pura, hapoh ka jingpyniaid u Pa Dolloi ka Ekala Nongtalang ryngkat ki ophisar na ka office jong ka Jaintia Hills Autonomous District Council.
Ha kane ka sngi la ia wan shim bynta haduh 764 ngut ki nongshong shnong ban jied ia arngut ki kyrtong kata hapdeng u Bah Wespar Lamin bad u Bah Daniel Khongsit.
Hadien ba ladep niew lah ioh tam bun u Bah Wespar Lamin uba ioh 455 tylli ki vote bad u lah ioh ia ka nam jop bad kum u Waheh Shnong ba pura ka shnong Bakur ha ka samoi treikam jong ka Dorbar Shnong naduh 2022-2024.
Na ka liang u Waheh Shnong thymmai u la ai ka jingsngewnguh ia baroh ki nongshong shnong ka Bakur kiba la ai ia u ka jingshaniah h u kum u Waheh Shnong ba thymmai ka shnong bad u lah kyrpad ia baroh ki nongshong shnong naduh ki khynnah ki samla, ki longkmie bad ki rangbah ba don hapoh ka shnong ban iatreilang bad ban iatylli kawei hapoh ka shnong khnang ba yn lah ban wanrah ia ka roi ka par bad ka suk ka sain hapoh ka shnong ka thaw.
