U Myntri Rangbah ka Jylla u Conrad K Sangma ha ka 5/12/2022 ula pyllait paidbah ia ka skhim bala tip kum ka CM CAREs (Comfort, Assist, Respect, Empowerment) scheme.
Lyngba kane ka CM CAREs la lah ban kyntiew jingiarap ia ka skhim CM’s Social Assistance Scheme na ka T.500/- sha ka T.750/- shi bnai naduh u bnai Risaw mynta ka snem.
Kumba long haduh mynta kila don haduh 65,777 ngut ki riew tymmen (Senior Citizens), 36,222 ngut ki longkmie ba marwei (Single Mothers) bad 14,227 ngut ki briew kiba don jingduna kila ioh jingmyntoi na kane ka CM CAREs.
Kane ka skhim ka pynioh jingiarap pisa ia ki riew tymmen, ki longkmie ba marwei kiba ka jingioh kamai jong ki ka duna ia ka T.36,000/- ha ka shisnem bad kane ka skhim ka iarap kyrpang ruh ia kito ki briew kiba don ka jingduna ha ki dkhotmet (PWDs).
