Ka ophis jong u District Sports Officer (DSO) ka West Jaintia Hills District kan sa pynlong ia ka jingai jinghikai ha ki kam ialehkai sport (Athletic) ia kaba la tip kum ka Winter Coaching Camp na ka bynta ki khynnah shynrang bad kynthei kiba don ha ka rta kaba 13 haduh 16 snem.
Ia kane ka jingai jinghikai yn pynlong ha ka taiew kaba nyngkong jong u Kyllalyngkot 2023.
Ha kaba iadei bad kane na ka liang jong u DSO ula kyntu ia baroh ki rang bad thei ialehkai jong ka District West Jaintia Hills ba kin wan ban pynrung kyrteng ialade ha ka ophis jong u ha Jowai ha ki por ba long trei. Ka tarik kaba khadduh ban pdiang ia ka jingpynrung kyrteng kan long ha ka 22/12/2022.
Ka jingkhein snem kan long naduh ka 1st July, 2007 shaneng. Baroh kiba wan pynrung kyrteng ki dei ban wanrah lang bad ka Xerox copy jong ka Birth Certificate jong ki.