Kawei ka kali Mahindra XUV kaba don ïa u Registration No ML-05X-4578 kala hap noh sha kawei ka riat ha ka por kumba 3 baje janmiet tam eiei ha ka bynta u surok Chyrmang-Iongnoh West Jaiñtia Hills District.
Kane ka la jia ha ka kawei ka bynta jong ka jaka ba la twa khyndew dang ha kine ki por ba jur u slap ha u bnai Jylliew mynta ka snem.
Ha kane ka jingjia u Dr. Sanjoy K Shylla ula khlad noh na kane ka jinghap ka kali, ka khubor ba la ïoh lum la ïathuh ha ka por ba noh katei la don lang bad ka khun kynthei jong u kaba dang 2 snem shiteng donbok kane ka hep rit kala lait im na kane ka jingjia.
Ïa ka met jong u Dr. Shylla la leit pynkit noh mar mar sha Jowai Civil Hospital ban leh ïa ka Post Morterm, katba ïa itei i hep rit ba lait im la pynkit sha hospital ban ïoh leh ïa kaba donkam.
Kane ka jingnoh ka kali ka lah ban jia na ka daw bym pat dep ban maramot ïa ki bynta ba twa ka khyndew bad ki jingker ban maham ïa ki nongleit nongwan kaba la wanrah ka jingjia ba sngewsih.