Ka skul Tia Chaphrang Hr. SS, Sohkymphor lyngba ki nongiashim bynta ba kynthup ia ka Merilin Mylliem bad ka Mebelcy Suchiang kala long ka lahduh ha ka jingiakop kyntip jong ka Red Ribbon Club Zonal Level ha kane ka 5/12/2022.
Ia kane ka jingiakop kyntip la pynlong da ka Jaintia Eastern College ha ka jingiatreilang bad ka MACS (Meghalaya AIDS Control Society) ha Khliehriat.
Kumban shu pynkynmaw ba kine ki ar ngut ki khynnah skul jong ka Tia Chaphrang Hr. SS kila jop teng ia ka jingiakop kyntip Red Ribbon Quiz Competition Zonal and State Level Bala pynlong da ka MACS, ha nongbah Shillong ha ka 18th November 2022.
Kumjuh ruh ha ka 8 tarik u December kane ka kynhun kala jop ha ka kyrdan kaba Lai, ha kum kine ki juh ki jingiakop kiba la pynlong ha ka Regional Level jong ka East Zone, kaba la pynlong ha Nagaland, Kohima lyngba ka Nagaland State AIDS Control Society, ha kaba la wan ban iashim bynta da ki 9 tylli ki Jylla sha ki thaiñ lammihngi jong ka ri India.