Ka West Jaiñtia District Sports Association (WJDSA) lyngba u Hony. General Secretary ma Lammat-oo Laloo ula pyntip ba ka Association ka khot Entry haka lympung ïalehkai phutbol kaba la tip kum ka ‘Republic Day Cup U-13 Football League Tournament 2023’.
Na ka bynta ka bai (Entry fees) kan long Rs.1500/- kawei ka kynhun (Team), ka bai Register ïaki players Rs. 20/- uwei bad ym dei ban duna ïa ka 20 ngut lane palat 25 ngut ki rangïalehkai na kawei ka kynhun.
Ka tarik ba khadduh u pynpoi ïaka Entry kan long ha lane shwa ka 23.12.22 hapoh ka por 2 baje nohphai sngi. Ïa ka sngi kha jong ki player kan long naduh ka 1 tarik January 2009.
Ki kynhun ki lah ban pynpoi ïa ka bai Entry ha u Hony. General Secretary ka WJDSA, la pyntip ruh ba yn ym lah ban pdiang shuh ïa kiba wanpoi palat ïa ka por ba la buh.