Shi bynta ban pynbiang ïa ka bam ka dih jong ki khynnah skul da ki jingbam kiba lah ban tei ïa ka met ka phat, na ka liang ka Society for Urban & Rural Empowerment (SURE), Jowai ha ryngkat ka North East Slow Food Agrobiodiversity Society (NESFAS), Shillong kila pynlong da ka jingai jinghikai shet jingbam ia ki skul da kaba pyndonkam lang bad ki jingbam kum ki jhur tynrai kiba lah ban ioh na ki kper ki prah.
Ha kane ka sngi la hikai ruh ïa ki nonghikai bad ki kynnah skul ba kin tip kumno ban rep lang ïa ki jhur jyrngam hapoh ki kper jong ki phyllaw skul, khnang ba kin ïoh ban pyndonkam ha ka por ba shet jingbam Mid Day Meal ïa ki khynnah skul.
La kyntu ruh ïa ki skul ba kin shet ïa ki jingbam mid day meal ha ryngkat ki jhur jyrngam kiba lah ban ïoh na ki shnong, namar ha kine ki jingbam tynrai ki don shibun ka bitamin kaba lah ban tei ïa ka met.
La sdang ïa kane ka prokram naduh ka 22 tarik u Nailur da kaba leit sha ki skul kiba don ha shnong Mupyut bad Mustem bad kane ka prokarm ka long ruh shi bynta na ka project “No one shall be left behind: initiative” ba la ïarap da REC ban pyntreikam ha ki katto katne ki shnong hapoh ka Meghalaya and Nagaland.
Ka kong Daka Bareh, Field Coordinator SURE, ka la pynsngew ba ki don haduh 10 jait ki jait jingbam tynrai kiba donkam haduh katta katta ban tei ïa ka met, ka la ong lyngba kane ka prokarm ban ai jinghikai ban shet lang ba ki jingbam tynrai kan ïarap ïa ki khynnah skul ha ka koit ka khiah.
Baroh kiba la wan ban ïashim bynta ki don haduh 68 ngut na kitei ki ar tylli ki shnong kiba kynthup lang ïa ki nonghikai, ki nongshet Mid Day Meal, ki longkmie ba armet, ki longkmie ba dang ai buiñ khun bad ki khynnad skul.
Ki 10 tylli ki skul kiba la ïoh jinghikai halor kane ka jingshet jingbam ki kynthup ïa ka Niawshnong Mupyut Secondary School, S.S.A Mupyut Mihngi, Shisha L.P.S, Mupyut Govt LP School na Mupyut, LP School Govt Umsalang, S.S.A LP School, LP School Govt, Upper Primary School na Skhenpyrsit, Dongnongpluh S.S.A LP School, Govt LP School na Mustem and Govt LP School Muphlang Mynta ka sngi 27 tarik la pynlong ïa kane ka prokram shet jingbam ha ki skul kiba don ha ka shnong Khonglah bad Nongbareh bad kumjuh ha ki skul hapoh ka Moosakhia bad Samanong da kaba bud ryntih ïa ki kyndon SOP jong ka sorkar.
