Ka Jaiñtia Student Union (JSU) seng kmie ka wer bad khot sngewbha ia baroh ki dkhot barim ka seng bad ki paitbah kiba don mon sngewbha ban iawan snoh kti lang sha ka jingpynkut ïa ka lyngkhuh dap 50 snem ne ka Juliee Ksiar ka ban sa pynlong ha ka 17 tarik u bnai December 2022 ha madan Jrisaleiñ Jowai Chutwakhu ha kapor 10 baje mynstep.
Na ka liang ka seng ka khot sngewbha ïaki dkhot barim bad ki nongïalam ba ha khmat ka seng ha ki por ba mynshwa ba kin ïawan lang sha katei ka sngi khraw ka seng. Ha ka juh ka por ka JSU seng kmie ka pynmap ïa ki para dkhot bad kiwei ki paralok ki ju don bynta bad ka seng JSU namar ka jingbym ïohlad ban kynduh markhmat hynrei ka seng ka khot sngewbha ia baroh ki dkhot bad ki nongïalam barim ka seng lyngba kane ka khubor.
Kumta ka seng hapoh ka jingialam ki nongkitkam ba mynta ka wer lang iabaroh khlem da buh nud ban iapoi sngewbha bad shitrhem shakane ka sngi khraw ka seng (JSU).