Mynta ka sngi ka 21 Dec 2022 ka EJNC bad ka HYC kiba don lang hapoh ka Save Hynniewtrep Mission da ka jingsngewkhia ia ka jaitbynriew kila pynpaw iaka jingbymhun halor ka SOP ka mining policy ia kaba la pynbna da ka sorkar jylla.
Naka liang u President rangbah ka EJNC (East Jaintia National Council) bah Sambormi Lyngdoh u la pynrem jur ia kane ka sorkar MDA ba la lamkhmat da ka NPP ha kaba iadei bad ka kam tih dewiong ba ia u no u no ba kwah ban applai prospecting licence udei ban don beit ka jaka ym duna ia ka 100 hectares, bad ia kane ym lah ban pdiang da leilei ruh namar kane kadei tang ka buit jong ki high level bad plie lad ruh ia ki benami.
Haka juh ka por ruh ka seng kala pynrem jur ia ka jingkren u Conrad Sangma ha Jowai ba ia mynta ym pat la shim rai na ka bynta ki rit ki ria. Ka seng kala ioh ruh ban sam ia ki kot lyngkdop sha ki paidbah halor ki kyndon jong ka mining policy (kam tih dewiong).
Nalor kane ruh ka seng kala pynbna syndon da ka rally bah ka ban sdang naduh ka shnong Dkhiah shaduh u mot sahnam u woh Kiang Nangbah kaba don ha syndah ka office u Deputy Commissioner, EJHD ha ka 30 tarik kaba dei ruh ka lyngkhuh sngi iap u woh Kiang Nangbah day.
Haka tei ka sngi yn pynlong ia ka jingialang halor ka phang tih dewiong ha ryngkat ruh ki 9 tylli ki mat jingdawa jong ka Save Hynniewtrep Mission.
