U Deputy Commissioner ka West Jaintia Hills District, Jowai mynta ka sngi ula pynmih ia ka hukum ba baroh ki nongshong die rud surok kiba don ha ki bynta jong ka Iawmusiang bad kiwei de ki bynta jong ka nongbah Jowai ba ki dei ban kynriah noh na ki lynti iaid kjat mar mar.
Ia kane ka hukum la pynmih namar ba ka jingshim jaka jong ki nongdie rud surok ia ki lynti iaid kjat kala wanrah bad buh jingeh haduh katta katta ia ka iaid ka ieng jong ki paidbah nongleit nongwan.
Kane ka jingshahknieh ki lynti iaid kjat ha ki nongshong die madan kala pynlong ia ki nongleit nongwan ban iaid lynti da ki surok bah bad kane bun sien ka wanrah ka jingjia ba sngewsih ia ki nongleit nongwan.
Kino kino kiba ialeh pyrshah ia kane ka hukum naduh bala pynmih ia ka kin shah pynshitom katkum ki kyndon aiñ.