Jowai : Ka Paradiso Restaurant Iawmusiang, kawei na ki Restaurant kaba pyniaid da ka “ Unit jong ka Para-I Multipurpose Cooperative Society Jowai” ka Restaurant kaba kham pawkhmat ha Jowai, ia kaba la khang ha baroh kine ki bnai lockdown na ka daw jong ka jingpang Covid 19 ( Corona Virus), la ong ba hadien ba la duna ka jingpursted jong kane ka jingpang Covid 19, yn sa plie biang ia ka ha kane ka 1 tarik Risaw 2021.
U Manager jong kane ka Restaurant ma Jeronimus Pala, ha ka jingpynlait khubor mynta ka sngi ha Jowai, u ong ka Paradiso Restaurant ka dei kawei na ki Restaurant hapoh Jowai, kaba ki Nongwanbam kiba na Jowai bad nabar ki iatur bha ha shwa ka Lockdown, hynrei la katta ruh u ong ba na ka daw ka jingpursted ka jingpang Covid 19, ym banse ban khang na ka bynta shipor, hynrei mynta haba la duna kane ka jingpang, ka Society ka la rai ban plie noh naduh ka 1 tarik Risaw 2021,ba ki nongwan bam kiba ju wan bam ha kane ka Restaurant, kin ioh ban wan biang ban wan bam ne wan order jingbam kumba ki ju leh ha ki por shwa ka Lockdown. U Manager u la ong ruh ki paidbah ki lah ban order Home delivery da ka ba phone ha une u No.7630044229.