Ka seng Kiang Nangbah Iasiat Khnang Memorial Society (KNIKMS), Jowai kala sdang mynta ka sngi ia ka jingleh burom ia ka lyngkhuh sngi iap ba 160 snem jong u Kiang Nangbah da ka ba pynlong ia ka jingialehkai Drama ha Iungwalieh Panaliar, Jowai, ha kaba ka kynhun HBJ kaba pyni ia ka jingiathuhkhana shaphng ka Phan Nonglait kala long ka nongjop.
Ha shwa jong ka prokram kala don ka jingialang kaba lyngkot kaba la pyniaid da u President ka Seng u ma Pearlet Toi. U Kongsan ha kane ka sngi u dei u ma A.Andres Shullai, MDC ka Jowai Central. La ioh ruh ia jingkren lyngkot na uwei na ki dkhot kaseng u ma Riquoma Rq. Laloo.
Ha kane ka sngi la sam ia ki jingai sngewbha sha ki nongbishar jong kine ki jingiakop da ma Wonder Shilla uba dei u dkhot jong ka seng.
Na ka liang jong President ka seng ula iathuh ba yn sa pynlong ia ka Drawing Competition ha Loompyrdi Iongpiah ha ka 24/12/22 naduh ka por 10:00 AM, kan don ruh ka jingiakop siat khnam ha Madiah Kmaiblai ha ka 27/12/22 ha ka por 10:00 AM, katba ia ka jingiakop Traditional Song Singing Competition yn pynlong ha ka 30/12/22 ha madan Madiah Kmaiblai hi naduh ka por 10:00 AM. Ula khot la wer ruh ia baroh ki paidbah ban wan sakhi lang ha ka 30/12/22 naduh ka por 1:00 PM ha Madiah kmaiblai ia ka jingrakhe ia ka lyngkhuh sngi iap u Kiang Nangbah.
Ia ki kyntien ai khublei la aid a u Secretaryka Arts & Culture Committee u ma Barlee Moore Shilla.