U Sub-Divisionl Magistrate jong ka Amlarem Sub-Division u bah Y.R. Mawlong, MCS ula pynmih ia ka hokum 144 CrPC kaba la khang ia ki kali heh kiba kit palat ia ka 9 ton ka jingkhiah ba kim lah shuh ban iaid lyngba ia u surok naduh Amlarem-Padu shaduh Nongbareh.
Ia kane ka hokum la hap ba pyntreikam namar ba kiba bun ki jingkieng kiba don ha utei u surok kila long kiba la rim bad tlot bor kumta kim lah shuh ban kyrda ia ka jingkhiah kaba palat ia ka 9 ton.
Kumta u SDM u kyntu ban kohnguh ia kane ka hukum khnang ba kan ym ktah ia ka leit ka wan jong ki paidbah bad kumjuh ban lait na kano kano ka jingjia ba sngewsih.