Ia ka World Heart Day Cum Adolescent Health Day, la leh burom mynta ka sngi 29.09.2021 da ka ophis jong u District Medical and Health Officer East Jaintia Hills District halor ka phang “Use Heart to Connect” ha kaba ia kane ka programe la pynlong ha Dkhiah West Community Hall, East Jaiñtia Hills District.
U Dr. D. Nongpluh, M&HO, 100 Bedded Hospital, Khliehriat, haba kren sha ki khynnah skul bad ki nonghikai kiba shim bynta ha kane ka program u la iathuh ia ki jingma kiba lah ban wanlam sha ka jingpang Heart Attack ne Stroke, ka jingpang BP, pang Klongsnam, Shini, ki jingdih pynbuaid, (Blood Pressure, Cardiovascular Disease, Diabetes, Alcohol Consumption and Smoking) nalor kiwei de.
Na ka liang jong u, u la kyntu jur ba ka jingleh ia ka Medical Check Up na ka por sha ka por ka long ka ba donkam eh ia iwei pa iwei, khnang ban tip ia ka Body Mass Index (BMI), da kaba thew ia ka jingkhia bad ka jingjrong, u la kyntu ruh ia ki khynnah skul ban sumar bha ia ka koit ka khiah da kaba bam ia ki jingbam kiba tei ia ka met, ban thiah bad khie biang por, ban kilan met bad kiar na ki jingbam ki bym tei satia ia ka met ne kiba pynsniew ia ka met.
La ioh ruh ka jingbatai bniah halor ka phang kaba ia dei bad ka aiñ Protection of Child from Sexual Offence (POCSO) Act 2012 bad ka Juvenile Justice (Care and Protection of Children) Act 2015, da u bah L. Lyngkhoi, Circle Inspector (S) Khliehriat.
Ha kane ka sngi la don ruh ka jingiakop Extempore Speech halor ka phang World Heart Day, kaba la iashim bynta da ki khynnah skul jong ka Little Star Secondary School, Ieng Swer Memorial Secondary School, Dkhiah Presbyterian Secondary School bad ka Khatsoo Ri Pnar Brightstar Secondary School.
Kiwei de kiba ai jingkren ha kane ka sngi ki kynthup ia u Waheh Shnong ka Dkhiah West ma C. Tlang, kong D. Passah, Adolescent Health Counsellor, Khliehriat CHC, East Jaiñtia Hills District, Khliehriat, ma A. Dhar, DPM, NHM, East Jaiñtia Hills District.
