Kum ka dak ka jingkynmaw burom ïa u Khlawait ka Ri-Lum Jaiñtia u Kiang Nangbah, na ka liang ka Meghalaya People United Front (MPUF) hapoh ka jingïalam u President rangbah samla Dapoiwanmi Laloo ha ryngkat ki dkhot kila leit buh syntiew mynta ka sngi ha mot u Kiang Nangbah ha Syntu Ksiar.
Kum ban shu pynkynmaw ïa kane ka sngi khraw la leh burom ha baroh ka jylla halor ka jingaiti jong une u Khlawait ka Ri Jaiñtia ïala ka jingim ha u tyllai Phasi ha ka kti ka sorkar phareng ha ka 30th December 1862, ha kaba ula pynmih ïa ki kyntien kiba ong. “Lada ki khmat jong nga ki phai sha liang Mihsngi te ka Ri kan ïoh ïaka jinglaitluid hapoh 100 snem” kumta kine ki kyntien kila urlong ba Ri India kala ïoh ïaka jinglait luid na ka kti ka sorkar phareng ha ka 15th August 1947.
Na ka liang ka seng ka kyntu ïa ki para samla jong ka bri u Hynñiewtrey ba kin don ka mynsien shynrang kumba don une u khlawait bad ban bud ïa ki deingjat jong u na ka bynta ka lawei bad ka jingshngaiñ jong ka jaitbynriew hi baroh kawei.