U Lat jong ka Jylla u Brig. (Dr.) B.D. Mishra (Retd) u la wan poi mynta ka sngi ha nongbah Jowai ban iakynduh ia ki khlieh jong ki tnat treikam bapher bapher ha ka jingialang kaba la pynlong ha Conference Hall jong ka ophis Soil & Water Conservation Officer, Jowai.
Na ka liang jong u Lat ula pynshlur ia ki khlieh jong ki tnat sorkar bapher bapher ba kin pynthikna ba baroh ki skhim sorkar ki dei ban poi lut sha baroh kiba dei ban ïoh ia ki bad ruh dei ban pyntreikam bha ia kine ki skhim.
Na ka liang ki bor District la ioh ban ai jingkren da u PK Boro, MCS uba la ai khublei ia u Lat ka Jylla uba la ai ka jingkyrshan bad ka jingbatai bniah ba ia ki skhim sorkar dei ban pyntrei ha ka rukom kaba dei.
Mynta ka sngi u Lat ula leit jngoh ruh ia ki Mawbynna bad ia ka Durga Temple kiba don ha Shnong Nartiang, West Jaiñtia Hills.