U Chief Minister ka Jylla u Conrad K. Sangma mynta ka sngi ula plie ia ka wei na ki jaka pynmih bordor kaba la ap khmih lynti la slembah kaba tip kum ka Ganol Hydro Power Project kaba don hajan ka nongbah Tura ha West Garo Hills.
Ia kane ka project la kaba lah ban pynmih bor ding kumba 22.5 MW la plie ha ka jingiadon ryngkat u Deputy Chief Minister ba dei peit ia ka Power u bah Prestone Tynsong bad u myntri ka Koit ka khiah u James K. Sangma.
U CM ula ong ba kane ka jingplie ia kane ka projeck ka long ka jingsah kynmaw ia ka ri Lum Garo hi baroh kawei. Kane ka projeck ka shongdor haduh Rs.560 klur tyngka. Kadei ka wei na ki project kaba la sangeh noh ha ki por jong ki sorkar bala dep, hynrei da ka jingshimkhia jong u James K Sangma mynba u dang bat ia ka kam myntri bording la sdang biang ban pyntrei ia kane ka kam namar ia u maw nongrim ban sdang ia kane ka project la buh naduh u snem 2014, la ong shuh shuh u Conrad.
U CM ula iaroh ruh ia u bah Tynsong kum u myntri ba dei peit ia ka tnat bording bad ruh ia baroh ki nongtrei jong ka tnat kiba don bynta lang ban pynlong ia kane ka project kaba jop. La pynkynmaw ruh ba ka jylla Meghalaya kumba long mynta ka donkam bording haduh 380 MW.