Ka All Jaintia Environmental & Social Welfare Society (AJESWS) kum shi bynta ban pynmih pisa ban ioh iarap ia ki khunswet, ki baduk ba rangli kumjuh ia kiba donjingduna ha ki dkhotmet, kala pynlong da ka Football Tournament ba ar sngi ha ka shnong Ksehrynshang, West Jaiñtia Hills, ha kaba mynta ka sngi la don ka jingiakhun hapdeng ka Pdeiñkor FC pyrshah ia ka Sumer Namdong FC.
Ha kane ka jingiakhun ka Pdeiñkor FC kala lah ban pynliem ia ka Sumer Namdong FC da 1-0 kol. Lashai ka sngi pat ka jingiakhun kan long hapdeng ka Leader FC pyrshah ia ka Combine United FC.
Ka seng ka khot sngewbha ia ki nongshong shnong ka thaiñ ba kin sngewbha ban wan sakhilang sha kane ka Football Tournament, khnang ba ka seng kan lah ban pynmih fund shuh shuh na ka bynta ban ioh iarap kylluid mynsiem ia ki para briew.
