U District Election Officer, East Jaintia Hills District, Khliehriat ha ka jingpyllait khubor la iathuh ba katkum ka kyndon 171 B jong ka Indian Penal Code, uno uno u briew ba ai ne pdiang kino kino ki jingaisngewbha da ka pisa ne da ki tiar ki tar ha ka por ba pynlong ia ki Elekshon da ka jingthmu ban khring ia u ne ka briew ban thep vote kin shah pynshitom da kaba shah set phatok haduh shi snem bad ka kuna.
Shuh shuh ka kyndon 171 C jong ka Indian Penal Code ka ong ba uno uno u briew uba pyntriem pynsmiej ia kino kino ki kyrtong ne ia kino kino ki nongthep vote, ne lada pynmynsaw ia kino kino lah ki lah ban ngat ha ka jingpynshitom da kaba shah set phatok shisnem ne bad ka kuna.
U DEO ula pyntip ba mynta la dep ban thung ia ka Flying Squads ka ban peit bniah ia kane bad ki lah ban register case ia kino kiba kiba pynkheiñ ia ki kyndon jong ka elekshon.
Kumta ula kyntu ia baroh ki nongshong shnong jong ka District ba kim dei ban shah pynngop ha kine ki kam pynbam pisa. La kyntu ruh ba la don kino kino kiba pyrshah ban leit pynbam pisa iano iano , la dei ban ai jingtip mar mar sha u Toll Free number 1950 jong ka Complaint Monitoring Cell jong ka East Jaintia Hill, ki paidbah ki lah ban phone 24×7.