Ka Election Commission of India (ECI) kala phah ia ka kynhun jurip (Special Observer) jong ka sha ka jylla Meghalaya na ka bynta ban bthah ia ki bor pyniaid elekshon ka jylla ban long kiba husiar bad phikir bha ha kaba iadei bad ka jingpyniaid shakhmat ia ka jingiajied nongmihkhmat sha ka ïing dorbar thawaiñ ka jylla (Meghalaya Legislative Assembly Elections) 2023.
Kane ka kynhun ka kynthup ia u Special General Observer Y. Tripathi, u Special Police Observer, Shri. V. Johr bad u Special Expenditure Observer, Shri. B. Murli Kumar.
Kala don ka jingiakynduh bad jingiaphylliew jingmut ha nongbah Shillong ryngkat u CEO, ka State Police Nodal Officer ha ka jingiadon ryngkat u Chief Secretary bad u DGP ka jylla.
Ha kawei pat ka jingialang kala don ruh ka jingiakynduh bad ki DC, ki SP bad ki Nodal Officers Election Expenditure Management jong baroh ki 12 tylli ki District jong ka Jylla ban iakren sani bha halor ka jingpynlut pynsep bad ruh halor ka jingshongsuk shong shngaiñ bad ka jingiaid beit iaid ryntih ka elekshon haduh ban da kut.
