Ka Moopyniein Socio & Cultural Sports organiization (MSCSO) ha ka jingiatrei lang bad ka Swach Bharat Mission ka la rakhe ia ka 152nd birth anniversary jong u Mahatma Gandhi ka ba juh tip kum ka Gandhi Jayanti (02/10/2021) ka la pynlong da ka jingpynkhuid ia ki sawdong sawkun ki lynti ki syngkeiñ kiba hapoh ka dong Moopyniein.
Na ka liang ka MSCSO ka la kyntu Ia paidbah ban kin long kiba leh khuid ym tang ha ki iing ki sem jong ki hynrei dei ban don ka jingkitkhlieh Ia ka jingkhuid jingsuba ki sawdong sawkun ki kyndong kynshrot jong ka dong ka shnat ka baroh kawei.
Ha ka 01/10/21 ka MSCSO ka la pynlong ruh da ka friendly match football ha ka jingiatreilang bad ka office jong u Block Development officer Khliehriat C & RD block. Ka la don ruh ka program ba lyngkot ba la pyniaid da u bah Shaniahskhem Dkhar President jong ka seng ha ka jingiadonlang u BDO ma T.Shylla . Ka jingialehkai ka long hapdeng ka MSCSO bad ka office jong u BDO. Ha kane ka jingiakhun ka MSCSO ka pynliem Ia ka office jong U BDO da 3 – 1 kol.
