Ka Office jong u District Election Officer, East Khasi Hills mynta ka sngi kala pynlong ia ka District Level Outreach Programme na ka bynta kito ki Polling Station kiba wan duna ka jingthep vote ha ki por ba la dep.
Ia kane ka prokram la pynlong ha Conference Room jong ka ophis u Deputy Commissioner, Shillong, ha ka jingiadonlang u DC Shri. S.C. Sadhu, ka Assistant Commissioner Smti. Saloni Verma, ki Booth Level Officers (BLOs) bad ki Rangbah Shnong bapher bapher.
Ha kane ka prokram na ka liang jong ki nongtrei ka tnad Election kumjuh ki BLO bad ki Rangbah Shnong kila iatai sani bha ban lap ia ka daw jong ka jingwanpoi duna ki nongthep vote ha kitei ki Polling Station. Kila buh ia ki jingaimut bad thaw ruh ia ki lad ki lynti, khnang ba ha kane ka kynti ka jingthep vote MLA ka ban sa long ha ka 27 tarik u Rymphang kine ki Polling Station kin lah ban khring khambun ki nongwan thep vote.
