U District Election Officer ka West Jaintia Hills ula pyntip ba ki nongpeit pyrman ne ki Expenditure Observer (EO) kiba kynthup ia ka Monika Singh, IRS bad u Pardeep Kumar, IRS na ka bynta ka General Election sha ka ïing dorbar thawaiñ ka jylla (Meghalaya State Legislative Assembly) ia kiba la thung da ka Election Commission jong ka India na ka bynta ka West Jaintia Hills District ki la wan poi mynta ka sngi ha nongbah Jowai bad ki sah ha Tyrchi Inn.
Ka Monika Singh, IRS Expenditure Oberver kan peit ia ka 1-Nartiang, 2-Jowai bad ka 7-Amlarem. Ka number phone jong ka ka long 9233513832.
Katba u Pardeep Kumar, IRS Expenditure Observer un peit ia ka 3-Raliang bad ka 4-Mowkaiaw. Ka number phone jong u ka long 923351822.
Kino kino ki ba kwah ban ai kano kano ka jingujor, ki lah ban ia kynduh ia kine ki Oberver ha ka kamra No. 151, ha ophis u Deputy Commissioner, West Jaintia Hills District, Jowai naduh ka por 11:00 AM haduh 12 baje shiteng sngi.